Azərbaycan bilyardçısı Avropa çempionu oldu!

Azərbaycan Bilyard Federasiyasının yığma komandanın üzvü Tofiq Quliyev Moldovanın Kişinyov şəhərində keçirilmiş piramida üzrə Avropa çempionatında qızıl medal qazanıb.

Bildirmək istərdik ki, idmançı 7 ölkədən 70 idmançı arasında birinci yeri tutub. Azərbaycanın digər təmsilçisi Niyazi Xələfov isə bürünc mükafatın sahibi olub.

Gümüş medala isə Ukrayna bilyardçısı Dmitro Pokotilski layiq görülüb. Bununla da Azərbaycan yığması turniri iki medalla başa vurub.